Plantun de Prouvènço

Pèr coumpara dos planto d'encò nostre

Polypodium vulgare & Chiliadenus glutinosus

Regalisso-bastardo

Polypodium vulgare

Polypodiaceae

Àutri noum : Regalisso-de-chivau, Regalisse-bastard, Poulipòdi.

Nom en français : Polypode commun.

Descripcioun :
La regalisso-bastardo trachis au nostre subretout en mountagno sus sòu séusous. I'agrado li roucas e li bos fres. Pèr la bèn destria de sa cousino, Polypodium interjectum, faudrié regarda lis espourange au microuscope (x 100) pèr verifia que i'ague mai de 11 celulo à l'assiso mecanico. Pamens lis espourange devènon madur l'estiéu eici alor que pèr P. interjectum, es en autouno. De nouta tambèn qu'aquesto assiso èi mai sourno eici (fotò-sèmblo un vèrme brun).

Usanço :
La regalisso-bastardo tèn soun noum de soun rizoumo (fotò) qu'a lou goust de la regalisso. Tastas ! Es uno planto vertuouso contro lou tussi, lou quiéu tapa e li vèrme. Peréu èi diuretico e coulagogo.

Port : Pichoto planto lignouso
Taio : 10 à 30 cm
Fueio : Foundo
Tipe bioulougico : Emicriptoufite
Cicle bioulougico : Planto renadivo

Gènre : Polypodium
Famiho : Polypodiaceae

Ordre : Polypodiales

Coulour de la flour : Ges de flour
Petalo : ges
Ø (o loungour) flour : Ges de flour
Flourido : Estiéu

Sòu : Si
Autour basso e auto : 0 à 2300 m
Aparado : Noun
Juliet à setèmbre

Liò : Roucas - Bos fres
Estànci : Coulinen à Subaupen
Couroulougi : Éurasiatico
Ref. sc. : Polypodium vulgare Shivas, 1961

Tè-de-roco

Chiliadenus glutinosus

Asteraceae Compositae

Nom en français : Jasonie.

Descripcioun :
Lou tè-de-roco se rescontro proche de mar sus li roucas cauquié ounte fai de mato. Fai pensa à-n-uno pichoto inulo emé sis enflourejado jauno que flourisson dins l'estiéu, e si fueio glandoulouso. Li tijo se roumpon eisa.

Usanço :
Es uno planto di proun aroumatico que pòu servi de tè. Pamens la fau pas acampa qu'èi proutejido sus listo roujo, catégourìo LC, es à dire soucit minour.

Port : Pichoto planto lignouso
Taio : 10 à 30 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Chiliadenus
Famiho : Asteraceae
Famiho classico : Compositae
Tribu : Inuleae
Ordre : Asterales

Coulour de la flour : Jauno
Petalo : >6
Ø (o loungour) enflourejado : 0,6 à 1 cm
Flourido : Estiéu

Sòu : Ca
Autour basso e auto : 0 à 600 m
Aparado : Noun
Avoust à setèmbre

Liò : Roucas - Mar
Estànci : Termoumediterran
Couroulougi : Estenoumediterrano-Ouèst
Ref. sc. : Chiliadenus glutinosus (L.) Fourr., 1869 (= Chiliadenus saxatilis (Lam.) Brullo = Jasonia glutinosa (L.) DC. )

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Polypodium vulgare & Chiliadenus glutinosus

ges

RRR

Coumpara Regalisso-bastardo emé uno autro planto

Coumpara Tè-de-roco emé uno autro planto